.png)
Një ngjarje e rëndë është zbardhur nga policia, e cila ka arrestuar një 36-vjeçar të dyshuar për intoksikimin e një çifti të moshuar dhe vjedhjen e parave të tyre.
Ngjarja u zbulua pasi bashkëshortët e moshuar u transportuan fillimisht në spitalin e Librazhdit dhe më pas në QSUT, në gjendje të rënduar shëndetësore, të dyshuar për intoksikim. Hetimet zbuluan se autor i dyshuar i ngjarjes është Ismail Kllogjri, 36 vjeç, dhëndri i tyre.
Sipas Policisë, ai dyshohet se u ka dhënë të moshuarve një dozë të lartë valiumi, duke u shkaktuar dëmtime të rënda shëndetësore. Pasi i ka lënë pa ndjenja, 36-vjeçari ka marrë një shumë parash nga banesa e tyre.
Të dy të moshuarit ndodhen nën kujdesin e mjekëve dhe janë jashtë rrezikut për jetën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
