.png)
Nga Gazeta Si – Sipas superkompjuterit të Opta-s, Chelsea është favorit i madh përballë Manchester United, duke fituar në 46.8% të simulimeve të realizuara para ndeshjes.
Në kampin e “Djajve të Kuq”, Bruno Fernandes mund të arrijë një moment historik personal: sot mund të jetë ndeshja e tij e 200-të në Premier League.
Ai do të bëhej lojtari i 28-të që prek këtë shifër me fanellën e Manchester United.
Ruben Amorim refuzon të largohet nga parimet e tij, por po bëhet gjithnjë e më e vështirë të shihet sesi ato mund të sjellin përmirësimin që tifozët e Manchester United presin me ngulm.
Ndeshja e radhës është në “Old Trafford” kundër Chelsea-t, që në fundjavën e kaluar u ndal në barazim 2-2 nga Brentford në Premier League.
“Blutë” vijnë nga UEFA Champions League të mërkurën, ku u mposhtën 3-1 nga Bayern në Munich.
Që prej javs së 12-të në sezonin e kaluar – momenti kur Amorim mori drejtimin e United – asnjë skuadër tjetër në Premier League nuk ka patur ecuri më të dobët: 31 pikë në 31 ndeshje dhe një golaverazh negativ, -13.
Humbja e së dielës ndaj Manchester City uli shanset e United për të siguruar një vend në Champions League në vetëm 3.4%
Madje superkompjuterit i Opta-s. llogarit mundësinë e rënies së klubit nga kategoria në 12.3%.
Në kampin londinez, Enzo Maresca rigjeti Cole Palmer javën e kaluar, i cili bëri menjëherë diferencën ndaj Brentford-it.
Mesfushori ofensiv shënoi vetëm pesë minuta pasi u fut nga stoli, golin e tij të 50-të në karrierë (44 me Chelsea-n dhe 6 me Manchester City-n).
Nga ana tjetër, United investoi shuma të mëdha gjatë verës për të rikrijuar repartin ofensiv, dhe një nga afrimet e bujshme ishte ai i Bryan Mbeumo.
Manchester United është i pamposhtur në 12 ndeshjet e fundit të Premier League në shtëpi kundër Chelsea-t (5 fitore, 7 barazime), që prej humbjes 1-0 në Maj të vitit 2013.
Në fakt, përqindja e fitoreve të Chelsea-t në “Old Trafford” është vetëm 18% (6 në 33 ndeshje), shifra më e ulët ndaj çdo skuadre tjetër ku janë përballur të paktën 10 herë në këtë kompeticion.
Pas fitores 1-0 në Maj, “Blutë” do të kërkojnë të regjistrojnë dy fitore radhazi në kampionat ndaj United për herë të parë që nga periudha Nëntor 2009 – Mars 2011, kur drejtoheshin nga Carlo Ancelotti.
Dy fitoret e Chelsea-t në tre ndeshjet e fundit në kampionat ndaj “Djajve të Kuq” (me një barazim) janë po aq sa arritën në 17 përballjet pararendëse (2 fitore, 9 barazime, 6 humbje).
Chelsea – Manchester United është ndeshja me më shumë barazime në historinë e Premier League, 27 herë.
Prej tyre, 14 barazime janë vendosur në “Old Trafford”. Vetëm Everton – Tottenham në “Goodison Park” ka përfunduar më shpesh në barazim në një stadium të vetëm (17 herë).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
