Ndeshja e kthimit e 1/8 të Ligës së Kampionëve mes Liverpool dhe Leipzig do të luhet rregullisht më 10 mars në orën 21, por në vend të Anglisë do të luhet në “Puskas Arena” në Budapest. Vendimi është marrë për shkak të kufizimeve të qeverisë gjermane për të luftuar pandeminë Covid-19 në Gjermani në lidhje me fluturimet nga dhe për Mbretërinë e Bashkuar. Prandaj, ndeshja do të luhet në një fushë neutrale, e cila u njoftua nga UEFA me një shënim të shkurtër zyrtar.
“UEFA konfirmon se ndeshja e dytë e 1/8 të Ligës së Kampionëve mes Liverpool dhe Leipzig do të zhvillohet në Puskas Arena në Budapest. Data e ndeshjes (10 Mars 2021) dhe koha e fillimit (21.00) do të mbetet e njëjtë.
🏆 The #UCL second leg match between @LFC and @RBLeipzig_EN will take place in Budapest, Hungary.
— UEFA (@UEFA) March 4, 2021
A full list of affected UEFA fixtures is available here:
UEFA dëshiron të falënderojë Leipzig dhe Liverpool për bashkëpunimin dhe ndihmën e tyre të ngushtë në gjetjen e një zgjidhje për problemin, si dhe Federatën Hungareze të Futbollit për mbështetjen e tyre dhe për të rënë dakord për të organizuar ndeshjen në fjalë. ”
Në të njëjtin stadium, “Puskas Arena”, gjermanët do të mundohen të “kthehen në jetë”, duke e nisur nga disavantazhi 2-0 i sfidës së parë, vulosur më 16 shkurt në kryeqytetin hungarez. Mision thuajse i pamundur përballë Jurgen Klopp dhe të tijve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
