“Atalanta është një skuadër shumë e mirë e që ka lojtarë të shkëlqyer. Janë të mirë organizuar, luajnë në bazë të sistemit të tyre klasik e të gjithë e njohin rolin që kanë. Përdorin sulmuesit në mënyrë shumë inteligjente”. Në vigjilje të sfidës së Champions League mes Liverpool e zikaltërve, një takim historik për qytetit e Bergamos, Jurgen Klopp deklarohet i magjepsur nga Dea e thotë se i trembet lojtarëve të Gasperinit: “Gomez mund të shkojë ku të dëshirojë, është e vështirë ta mbash. Gosens luan në kombëtaren, shumë lojtarë janë rritur… Nuk i njihja shumë, por e di mirë rrugëtimin e tyre. Zbavitem kur i shoh, besoj se mund të mësojmë shumë nga Atalanta”, ka thënë tekniku i Reds në konferencë shtypi.
Liverpool vjen në Bergamo si kryesues në Premier League por me probleme formacioni, sidomos në mbrojtje (Van Dijk e Fabinho të dëmtuar): “Keita është stërvitur dje, por nuk kam marrë asnjë vendim për formacionin – ka sqaruar Klopp – Luajtëm dy ditë më parë, duhet të shohim me stafin mjekësor se kush do të jetë në dispozicion e kush jo”.
E vështirë është edhe të ndalet sulmi i bandës së Gasperinit, që në sezonin e kaluara shënoi 98 gola vetëm në Serie A: “Ndonjëherë mbrohesh në momentin e fundit, ndonjëherë jo. Atalanta është e aftë të shënojë gola e të krijojë raste, duhet ti ndalojmë në momentin e goditjes në portë. Ata nuk kanë vetëm një lojtar, por një skuadër me kualitet. Ne do të kërkojmë të mbrojmë mirë. E dimë kush janë armët e tyre më të mira, edhe me Midtjylland kanë shënuar katër gola”, ka përfunduar Klopp
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
