Magjia e Championsit vazhdon sot në mbrëmje me dy sfida të tjera, Inter-Liverpul dhe Salcburg-Bajern Mynih. Kuptohet që fokusi do të jetë në “San Siro”, ku Interi synon të rikthehet në nivelin e tripletës së famshme të disa viteve më parë.
Liverpuli ishte kundërshtari më i keq për skuadrën e Inzagit, por në kampin zikaltër kanë besim se mund t’ia dalin. Italianët pritet të zbresin në fushë me dyshen Xheko-Sançez në sulm, pasi kiliani duket se ka fituar balotazhin me Lautaro Martinezin. Vidal do të marrë vendin e Barelës në mesfushë, ndërsa në mbrojtje luan Dambrozio.
Në krahun tjetër, trajneri Jurgen Klop, i cili e ka vlerësuar së tepërmi Interin në konferencë shtypi, do të luajë me tredhëmbëshin Mane-Salah-Jota në sulm. Një treshe shumë e rrezikshme, e vështirë për t’u përballuar nga çdo mbrojtje kundërshtare.
Liverpuli është shumë i rrezikshëm edhe nga krahët, ku mbrojtësit Aleksandër-Arnold dhe Robertson bëjnë një punë të madhe edhe në ndihmë të sulmit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
