.png)
Nga Gazeta ‘Si’– Edhe pse është vakti më i rëndësishëm i ditës, mëngjesi mund të jetë çuditërisht i vështirë për t’u konsumuar siç duhet.
“Është e lehtë të nënvlerësosh mëngjesin dhe ky është një gabim,” thotë Thanh Nguyen, një dietolog.
Por ka edhe disa zakone të tjera të këqija të mëngjesit që mund t’ju pengojnë të shfrytëzoni sa më shumë atë vakt:
1. Si fillim, ju e anashkaloni plotësisht mëngjesin
Ndërsa disa njerëz natyrshëm mund të mos ndihen të uritur në mëngjes, heqja dorë nga mëngjesi nuk është zgjidhja më e mirë.
Ju keni nevojë për ushqim në mëngjes që të furnizoheni me energjinë që ju nevojitet për ditën tuaj.
Kjo mund t’ju bëjë të bëni zgjedhje ushqimore më vonë që mund të mos jenë ideale. Shpesh e gjejmë veten duke kërkuar karbohidrate të pasura me sheqer, sepse ato ofrojnë një shpërthim të papritur energjie, por kjo së shpejti zvogëlohet dhe mund të prishë nivelet e energjisë dhe produktivitetin tuaj për pjesën tjetër të ditës.
Për të qenë të qartë, karbohidratet nuk janë në asnjë mënyrë “të këqija”, por ato duhet të balancohen në mënyrë ideale nga dy makronutrientët e tjerë kryesorë gjatë vaktit: yndyrat e shëndetshme dhe proteinat.
2. Nuk hani mjaftueshëm
Kjo është për të gjithë njerëzit që marrin një molto të paketuar për ta ngrënë në lëvizje dhe arsyetohen se është më mirë se asgjë.
Nuk e keni gabim, por dëgjoni: Ajo nuk është një mëngjes i plotë!
Nëse jeni në gjendje të hani një mëngjes të bollshëm është mirë, në të kundërt, pini smoothie me fruta.
3. Ju kurseni në proteina
Produktet klasike të mëngjesit si petullat dhe bukë e thekur franceze kanë të gjitha një gjë të përbashkët: ato janë të mbushura me karbohidrate — dhe nuk kanë proteina.
Proteinat sigurojnë një nxitje më të gjatë të energjisë, duke ju mbajtur të ngopur dhe vigjilent për më gjatë. Ka të ngjarë të ndiheni më të uritur nëse nuk hani proteina në mëngjes.
Ndërsa nevojat tuaja për proteina në mëngjes do të ndryshojnë në varësi të faktorëve si madhësia e trupit apo niveli i aktivitetit, 20 gram është një rekomandim i përgjithshëm solid (megjithëse, përsëri, disa njerëz mund të kenë nevojë për më shumë).
Prsh, bëni një version të shijshëm me avokado dhe gjizë si dhe pak proshutë e vezë.
4. Mendoni se ka një menu specifike për mëngjesin
Ju mendoni se mëngjesi duhet të nënkuptojë drithëra, vezë, petulla ose opsione të tjera të zakonshme dhe kjo thjesht e bën ushqimin shumë më sfidues.
Në realitet, ideja që disa artikuj ushqimorë janë të destinuara për mëngjes dhe disa jo, nuk është gjë tjetër veçse një konstrukt social – nga i cili mund të tërhiqeni nëse dëshironi.
Kur fillojmë të heqim disa nga ato pengesa të vetë-imponuara, ne kemi mundësinë t’i japim vetes më shumë opsione. Sepse në fund të ditës, trupi ynë nuk e di dallimin midis asaj që është tipike për mëngjes, drekë ose darkë. Ata flasin vetëm në gjuhën e karbohidrateve, yndyrave dhe proteinave.
Pra, nëse doni konsumoni lazanjan që ju ka mbetur nga mbrëmë.
5. Pini një filxhan kafe me stomak bosh
Sigurisht, kafeja do të sigurojë një goditje energjie në afat të shkurtër falë kafeinës, por nuk është një zëvendësues i duhur për ushqimin aktual.
Në fakt, sapo ky nivel të fillojë të kalojë, nevoja e trupit tuaj për ushqim të bëhet më e theksuar.
Për më tepër, nivelet tuaja të energjisë nuk janë e vetmja gjë në rrezik: humori juaj është gjithashtu. Kafeina është një stimulues i sistemit nervor qendror, që do të thotë se mund të rrisë presionin e gjakut dhe të rrisë ndjenjat e stresit ose ankthit —një efekt që në fakt është pak më i theksuar kur konsumohet me stomakun bosh.
Pirja e kafesë me stomakun bosh mund të ketë gjithashtu më shumë gjasa të shkaktojë “shqetësim gastrik. Disa njerëz mund të përjetojnë refluks acidi ose urth.
Burimi: Self.com/Përshtati Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
