Çfarë është “Iron Dome”, sistemi izraelit i mbrojtjes kundër raketave të Hamasit

Dueli midis lëshimit të raketës dhe mburojës në një version modern. Kjo është ajo që po ndodh në kuadratin Gaza-Izrael, një teatër i reduktuar gjeografik. Imazhet dramatike, tregojnë lëshimet e raketave të shkrepura nga bateritë, shkatërrimin, pasojat e reprezaljeve të kryera nga pothuajse 500 sulme ajrore të shtetit hebre.

Izraelitët kanë raportuar nisjen e gati 1,050 raketave nga palestinezët dhe theksojnë efektivitetin e të ashtuquajturës “Kupola e Hekurt”, e cila ka kapur 85% të "të shtënave".

Të dhëna, që gjithmonë kanë nevojë për verifikim të mëtejshëm, duke qenë se në të kaluarën, ekspertët, pa mohuar rëndësinë e pajisjes, kanë ngritur dyshime për numrat realë.

Aparati, i financuar nga SHBA-të dhe i ndërtuar nga Iai së bashku me “Rafael Advanced Defense Systems”, ka qenë në shërbim për një dekadë.

Ai përdor radar, sensorë dhe një sistem analize që lejojnë një mbrojtje të mirë kundër kokave të predhave nga distanca të mesme dhe të gjata, më pak efektive kundër objektivave të qëlluar nga 2-2.5 kilometra.

Ai është i instaluar në bateri të lëvizshme - prandaj garanton fleksibilitet - dhe shpërthen pranë bombës së hedhur. Por nuk është e lirë: kapja e një "cope" të vetme nga sistemi anti-raketor, mund të kushtojë 50,000 dollarë.

Dhe ekziston mundësia që fragmentet, pas neutralizimit, të mund të shkaktojnë dëme. Gjë që ndodhi gjatë Luftës së Gjirit me raketat “Patriot” të SHBA-ve.

Për të kapërcyer ombrellën mbrojtëse, Hamasi dhe fraksionet e tjera ushtarake, luajtën kartën e “ngopjes së objektivit”, ose valëve të njëpasnjëshme të lëshimeve që zgjasnin gjithnjë e më shumë gamën, deri në arritjen e zonës në Tel Aviv.

The skies of Tel Aviv tonight as the Iron Dome missiles are shot into the sky to blowup the incoming rockets from Gaza. Just surreal. pic.twitter.com/zXgAaU5tF6
— Louis Fishman لوي فيشمان לואי פישמן (@Istanbultelaviv) May 11, 2021

Në arsenalin e tyre, ata kanë armë të prodhimit lokal - një evolucion i intifadës së dytë - dhe pajisjet e furnizuara nga Irani. Rrezja shkon nga 8-12 kilometra deri në 160-180.

Shumë janë vendosur në pozicione të maskuara, të cilat është e vështirë të gjenden. Dhe në çdo rast, ata kërkojnë mbështetje relative logjistike, e cila u lejon atyre të vazhdojnë sfidën për një kohë të pacaktuar, për sa kohë që ata kanë stoqe.

Një skenar i ngjashëm me atë të konfliktit që e vuri Izraelin kundër Hezbollahut libanez. Këto janë operacione ushtarake, që kushtojnë jetë njerëzish dhe ku ekziston një aspekt i rëndësishëm politik-propagandistik.

Jeruzalemi thekson sukseset e “Iron Dome” (“Kupolës së Hekurt”), për të demonstruar siguri përballë kërcënimit, por kundërshtarët përdorin çdo "vektor" - madje edhe më të thjeshtë - për të treguar se asgjë nuk i ndalon.

Ato janë mesazhe drejtuar opinionit të brendshëm dhe armikut, të dobishme për provat e forcës. Për më tepër, përdorimi i raketave që nuk janë saktësisht të sofistikuara, por që "shërbejnë" për të mbajtur presionin, është gjithnjë e më i shpeshtë në Lindjen e Mesme.

Kjo është ajo që ndodh në Irak, ku milicët shiitë, synojnë bazat që presin amerikanët. Një taktikë fërkimi e përdorur sipas momenteve për të ngacmuar, përgjigjur dhe shkaktuar konflikt. Por ekziston gjithmonë rreziku që tensioni mund të përshkallëzohet. Si në rastin e fundit mes palestinezëve dhe izraelitëve.

Përshtati në shqip: Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.