.png)
Nga Gazeta ‘Si’- Pas 6 muajsh zvarritje, nesër në 13:00 pritet më në fund të ketë një vendim për kalimin ose jo për gjykim të ish-kryeministrit Sali Berisha, dhëndrit të tij dhe 3 të pandehurve të tjerë për aferën Partizani.
Në seancën paraprake në GJKKO ishin të pranishëm avokatët mbrojtës të të gjithë të akuzuarve, përfshirë edhe avokatin Luan Hasneziri, përfaqësuesi ligjor i kompanisë “Homeplan”, i cili në seancën e fundit mungoi për arsye shëndetësore.
Avokatët mbrojtës kanë kërkuar pushimin e çështjes me argumentin se nuk kemi vepër penale. Nga ana tjetër SPAK kërkon kalimin e dosjes për gjykim.
Nesër në 13:00, gjyqtarja Flojera Davidhi do duhet të vendosë nëse do kalojë dosjen e aferës Partizani për gjykim, do kthehet për hetime të mëtejshme apo do ketë pushim të çështjes.
Ndërkohë, sot Davidhi rrëzoi kërkesat e avokatëve mbrojtës për pavlefshmëri të provave të SPAK.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
