.png)
Nga Gazeta ‘Si’- Kryetari i Partisë Demokratike, Sali Berisha, në Foltoren para Kryeministrisë, iu rikthye sërish mbledhjes së sotme të Këshillit të Mandateve dhe Imunitetit për shqyrtimin e imunitetit të Belinda Ballukut, ku u shpreh se propozimi i PD-së ishte i njëjtë me atë të Prokurorëve të SPAK.
“A ka provokim më të rëndë se ai që bënë sot. Sot, prokurorët, pas 3 muajsh, në kundërshtim me ligjin, kushtetutën e cdo gjë, u lejuan të paraqesin kërkesën e tyre. Sot hajdutët, përsëri, përkundrejt qëndrimit të deputetëve tanë njëri nga ata tha unë abstenoj.
Por mirë jemi 5 me 4 dhe vendimi është i qartë që komisioni kërkon heqjen e imunitetit. Pas 5 minutash, Balla, i cili, kur është vetëm me të huaj një fjalë në mbrojtje nuk e thotë për të, kur është me të tjerë bën avokatin e saj, thotë jo nuk jemi dakord me propozimin tuaj. Ai ishte propozim i Prokurorëve dhe demokratët mbështesnin propozimin e Prokurorëve. Kush do t’ia heqë imunitetin asaj, qytetarët shqiptarë. Të shtunën, ora 18:00, e gjithë Shqipëria kundër imunitetit të Edi Ramës, për arrestimin e Edi Ramës dhe largimin nga pushtetit“, tha Berisha referuar protestes së ardhshme kombëtare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje