Gazeta Si – Zhoao Feliks te Çelsi. Dukej e pamundur, por në fakt kjo goditje e radhës e londinezëve është duke u finalizuar. Portugezi iu ofrua edhe Arsenalit dhe Mançester Junajtid. Lojtari realizon kështu dëshirën për t’u larguar nga skuadra e Simeones dhe për të kaluar në Premier Ligë.
Lajmi bëhet i ditur nga ‘The Athletic’, që shpjegon se Atletiko Madrid ka thënë ‘po’ dhe ka gjetur akordin me skuadrën e ‘Stamford Bridge’. Sulmuesi portugez kalon te Çelsi në huazim për 11 milionë euro.
Zhoao Feliks është goditja e radhës për klubin londinez në merkaton e janarit. Një merkato ëndrrash, sepse më parë janë bashkuar me Çelsin Fofana nga Molde, Andrei Santos nga Vasko da Gama dhe Badiashile nga Monako. Pista e Enco Fernandez është komplikuar, por mund të ketë ndonjë lëvizje surprizë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
