.png)
Gazeta Si – Ata që nuk kanë mundur të sigurojnë një biletë për ndeshjes e 12 tetorit mes Shqipërisë dhe Çekisë, në ‘Air Albania, e kanë edhe një shans të fundit.
FSHF bën me dije se janë 1139 bileta të lira, që do të dalin në shitje të martën, por vetëm online. Bëhet fjalë për bileta që më parë ishin rezervuar për tifozët kundërshtarë, por nga pala çeke është njoftuar se një pjesë e tyre nuk do të shfrytëzohen, kështu që mbeten të lira për tifozët kuqezi.
‘Njoftojmë sportdashësit se ditën e nesërme, e martë, ora 12:00, do të kenë mundësi të blejnë bileta për ndeshjen Shqipëri-Çeki në mënyrë elektronike në faqen https://al.ebileta.al/. Numri i biletave në dispozicion është 1139 copë, përkatësisht në tribunat V 101 – V 103.
Këto tribuna u mbajtën të rezervuara për tifozët çekë, sipas afateve të përcaktuara në rregulloren e UEFA-s për këtë kompeticion. Duke qenë se pala çeke njoftoi se do të shfrytëzojë vetëm një pjesë të tyre, atëherë pjesa e mbetur do t’u vihet në dispozicion sportdashësve tanë. Shitja e biletave do të jetë vetëm online”, – shkruhet në njoftimin zyrtare të FSHF-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
