Gazeta Si – Aleksander Ceferin, presidenti i UEFA-s, ka komentuar sërish vendimin për të përjashtuar Juventusin nga të gjitha kompeticionet europiane për një sezon. Në një intervistë për ‘L’Equipe’, ai ka shpjeguar vendimin.
“Është logjike që të pezullohet një klub që nuk ka respektuar rregullat. Bëhet fjalë për një vendim të marrë nga një organizëm i pavarur (organi i kontrollit financiar të klubeve). Nuk mund të ndëshkohet një klub pas 10 vitesh, nëse ka bërë diçka të gabuar tani. S’mund të vendosin të përjashtojnë Juventusin në 2028-ën, në pritje që të kualifikohet në Champions League”, – ka theksuar slloveni.
Më pas kreu i UEFA-s ka shtuar: “Për çdo klub, një sanksion si ky është i rëndësishëm. Do të thotë të humbasësh 40-50 milionë euro. Nuk është pak, për më tepër nëse bëhet fjalë për një klub në vështirësi financiare”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
