Gazeta Si – Një aksion policor është duke u zhvilluar ndaj qendrave të “Call Center”-ave të dyshuara si të paligjshme në qytetin e Shkodrës.
Rreth 150 persona janë shoqëruar në komisariat për t’u marrë ne pyetje, në lidhje me punën e tyre dhe veprimtarinë e kompanive ku punojnë.
Burime jo zyrtare shprehen se një pjesë e punonjësve janë paraqitur vullnetarisht në komisariat. Dyshohet se përmes mashtrimit, ata përfitonin shumë të konsiderueshme nga qytetarët europianë.
Deri me tani, nuk ka asnjë të arrestuar. Dy “call center”-a në zonat e njohura si “Ura Dervishbeg” dhe pranë teatrit “Migjeni” janë boshatisur nga policia.
Rreth 3 muaj më parë, policia e Shkodrës zhvilloi një aksion masiv, duke arrestuar disa persona të dyshuar për mashtrim përmes Call Center-ave por ne fund të gjithë u liruan.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
