.png)
Gjermani Felix Zwayer do të jetë arbitri i ndeshjes të së shtunës mes Shqipërisë dhe Italisë që do të luhet në Dortmund, në ndeshjen hapëse të Grupit B në Kampionatin Evropian 2024.
Bashkatdhetarët e tij, Stefan Lupp dhe Marco Achmüller do të jenë ndihmësit anësorë.
Zyrtari i katërt do të jetë gjyqtari Daniel Siebert.
Asistent i parë i VAR-it është zgjedhur Bastian Dankert.
I vetmi jo gjerman është holandezi Rob Dieperink, asisenti i dytë në dhomën VAR.
Shkurtin e kaluar gjyqtari Zëayer drejtoi ndeshjen Napoli-Barcelona (1-1), ndeshjen e parë të raundit të 16-të të Ligës së Kampionëve.
Kombëtarja jonë do të luajë ndeshjen e parë të grupit më 15 qershor kundër Italisë, në orën 21:00, në Dortmund.
“BVB Stadium Dortmund” ka një kapacitet prej 81,365 vende për tifozët dhe është stadiumi më i madh në Gjermani.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
