Përkeqësohet performanca e Buxhetit të Shtetit. Të dhënat zyrtare të Ministrisë së Financave tregojnë se mbledhja e dobët e të ardhurave nuk shihej që prej vitit 2013.
Sipas Ministrisë, në muajin prill u mblodhën afërisht 28.9 miliardë lekë nga 30.7 miliardë lekë që u mblodhën në vitin 2013.
Mungesa e parave në arkën e shtetit ka ardhur si pasojë e masave të marra nga qeveria për të parandaluar përhapjen e Covid-19 që pasoi me mbyllje biznesesh, largime nga puna që pasuan me bonuse financiare dhe pagë lufte dhe shtyrje apo falje të një sërë taksave.
Një pjesë e parave të munguara nga TVSH në arkën e shtetit ka ardhur edhe si pasojë e e rënies së importeve dhe konsumit.
Në të njëjtën kohë në muajin prill shpenzimet rezultojnë gjithashtu me rekord historik në tetë vjetë.
Gjatë prillit kanë dalë nga arka e shtetit afërsisht 41.7 miliardë lekë, krahasimisht me Prill 2013 regjistrohen 2,1 mld lekë më shumë ose 39.6 miliardë leka gjithsej. ©Gazeta “Si”
Ky material nuk lejohet të kopjohet, apo riprodhohet pa miratimin e Gazetës “Si”. Ai është pronë intelektuale e gazetasi.al dhe si i tillë mbrohet nga ligji
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
