Trajneri i Kombëtares U-21, Alban Bushi, ka shpallur sot listën e lojtarëve të grumbulluar për ndeshjet e 12 dhe 16 nëntorit, përkatësisht ndaj Kosovës dhe Sllovenisë.
Në këtë listë bie në sy prania e shumë lojtarëve nga kampionati ynë, ndërsa risitë janë në prapavijë. Të tre portierët janë nga kampionati shqiptar, ku Tafasit dhe Laroshit këtë herë u është bashkuar edhe “gardiani” i Egnatias, Bruno Puja.
⚽️ Lista e Kombëtares U-21 për ndeshjet e Eliminatoreve të Europianit, për përballjen me 🇸🇮 Slloveninë dhe 🇽🇰 Kosovën.
— FSHF (@FSHForg) November 5, 2021
🗣 Trajneri Alban Bushi do të dalë sot në një konferencë për median, në 🕛 12:00, 📍stadiumi “Air Albania”. pic.twitter.com/38wc8SoPB7
Për mbrojtjen trajneri Bushi ka grumbulluar Masimiljano Dodën, i cili luan me Palermon në Itali, dhe Adrian Bajramin, që është pjesë e Benfikës U-23. Jashtë listës kanë mbetur Nikqi dhe Prengaj. Nga Kombëtarja A janë marrë lojtarë, si Ramen Çepele, Mario Mitaj dhe Ernest Muçi.
Shqipëria U-21 mban vendin e dytë në Grupin G të eliminatoreve të Europianit. Kuqezinjtë e vegjël kanë 9 pikë pas 4 ndeshjesh dhe përpara kanë vetëm Çekinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
