.png)
Burrat infertilë mund të kenë dy herë më shumë gjasa të zhvillojnë kancer gjiri. Ky ka qenë një ndër rezultatet e një studimi të fundit për kancerin e gjirit tek meshkujt.
Kanceri i gjirit tek meshkujt është më pak i zakonshëm sesa tek femrat.Sipas ekspertëve lidhja e tij me infertilitetin nuk ishte hetuar më parë. Hulumtimi i ri u publikua në revistën “Kërkime për Kancerin e Gjirit”.
Ekspertët në Institutin e Kërkimit të Kancerit , Londër (ICR) thanë se gjetjet treguan se nevojitet punë e mëtejshme, për të kuptuar shkaqet themelore të kancerit të gjirit tek meshkujt. Deri më tani shkaqet mbeten të panjohura.
“Këto janë gjetje të rëndësishme që lidhin infertilitetin me kancerin e gjirit tek meshkujt”, tha autori i studimit, Michael Jones, një shkencëtar i stafit të lartë në gjenetikë.
Ai shtoi mund të japë njohuri për shkaqet themelore të kancerit të gjirit tek meshkujt.
Të dhënat konkrete të studimit
Hulumtimi i ri nga studimi i kancerit të gjirit mashkullor “Bast Cancer Now” shqyrtoi 1998 meshkuj të sapodiagnostikuar me këtë sëmundje.
Studimi i një grupi më të madh burrash i mundësoi ekipit të tregonte një lidhje midis infertilitetit dhe rrezikut të kancerit të gjirit.
Studiuesit krahasuan drejtpërdrejt fertilitetin e meshkujve me kancer gjiri me 1,597 meshkuj pa histori të sëmundjes. Ndërsa arsyeja biologjike është e paqartë, ata zbuluan se burrat e diagnostikuar me kancer gjiri kishin më shumë gjasa të raportonin probleme të fertilitetit.
Shkencëtarët zbuluan gjithashtu se kishte shumë më shumë burra pa fëmijë në mesin e atyre që ishin diagnostikuar me kancer gjiri.
Simon Vincent, drejtor i kërkimit, tha se shumë njerëz nuk e kuptojnë se burrat mund të kenë kancer të gjirit. Kjo ndodh sepse incidenca është shumë më e ulët tek burrat sesa tek gratë.
“Zbulimi i një lidhjeje midis infertilitetit dhe kancerit të gjirit mashkullor është një hap drejt nesh për të kuptuar kancerin e gjirit mashkullor”,tha Vincent.
Ai shtoi se studimi i ri ndihmon për të gjetur më shumë mënyra për të diagnostikuar dhe trajtuar burrat, me këtë sëmundje shkatërruese.
Burimi: The Guardian/ Përshtati: Gazeta “Si“
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje