.png)
Këngëtari, njëherësh kitaristi i njohur, Bruce Springsteen duket se është i detyruar t’i ndjekë udhëzimet mjekësore, prandaj ka anuluar edhe pjesën tjetër të koncerteve për këtë vit.
Rokeri, 74 vjeç, në një deklaratë në Twitter (X) në të cilën ai tha se po vazhdonte “të shërohej vazhdimisht nga sëmundja e ulçerës peptike gjatë javëve të fundit dhe do të vazhdojë trajtimin gjatë pjesës tjetër të vitit me këshillën e mjekut”.
“Duke pasur parasysh këtë, dhe për t’u kujdesur më shumë, të gjitha datat e mbetura të turneut 2023 për Bruce Springsteen dhe ‘The E Street Band’ do të shtyhen deri në vitin 2024”, vazhdoi deklarata.
Springsteen kishte anuluar më parë disa koncerte me grupin “E Street Band” muajin e kaluar dhe në fillim të këtij muaji.
Deklarata e fundit zbuloi se ato shfaqje, së bashku me koncertet që do të mbaheshin gjatë pjesës tjetër të këtij viti, do të kenë data të riplanifikuara që do të shpallen javën e ardhshme.
(1/5) Bruce Springsteen has continued to recover steadily from peptic ulcer disease over the past few weeks and will continue treatment through the rest of the year on doctor's advice. pic.twitter.com/rMgZZsKcfo
— Bruce Springsteen (@springsteen) September 27, 2023
“Kur shpallen datat e reja të 2024-ës, ata që nuk mund të marrin pjesë në datën e re që kanë blerë biletat e tyre përmes kompanive zyrtare të biletave kanë 30 ditë për të kërkuar rimbursim. Të gjitha biletat për shfaqjet e shtyra do të mbeten të vlefshme për datat e reja të shpallura”, thuhet në deklaratë.
Springsteen e mbylli njoftimin me një mesazh personal, duke shkruar: “Faleminderit të gjithë miqve dhe fansave të mi për urimet, inkurajimin dhe mbështetjen tuaj të vazhdueshme. Jam në shërim e sipër dhe mezi pres t’ju shoh të gjithë vitin e ardhshëm”.
Sipas Klinikës Cleveland, sëmundja e ulçerës peptike “shfaqet kur plagët e hapura ose ulcerat formohen në stomak ose në pjesën e parë të zorrëve të vogla. Shumë raste të sëmundjes së ulçerës peptike zhvillohen sepse një infeksion bakterial gëlltit shtresën mbrojtëse të sistemit tretës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
