Gazeta Si – Ankth tek Interi pas dëmtimit të Marselo Brozoviç, një nga lojtarët kyç të formacionit. Mesfushori u detyrua të linte fushën për shkak dëmtimi gjatë ndeshjes Kroaci-Austri në Ligën e Kombeve.
Ai u dëmtua vetë, pa marrë asnjë goditje. Brozoviç dyshohet se ka pësuar nëj tërheqje dhe sipas trajnerit Zllatko Daliç, mund të qëndrojë jashtë fushave 3-4 javë. Një situatë që favorizon aktivizmin e Kristjan Asllanin, deri tani i mbajtur në stol nga trajneri Inzagi.
Sipas shtypit italian, për ndeshjen e fundjavës me Romën Asllani do të jetë patjetër titullar. Por në kampin e Interit shqetëson më shumë ndeshja e 4 tetorit me Barcelonën në Ligën e Kampionëve. Edhe në këtë ndeshje mesfushori kroat do të mungojë.
Interit duhet të përballojë një seri ndeshjesh shumë të rëndësishme pa regjisorin e tij. Ky është shansi i mirë i Asllanit, lojtarit të Kombëtares, i cili kaloi në verë tek Interi pikërisht për të zëvendësuar kroatin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
