Gazeta Si – Gati 40 minuta në fushë. Para se kronometri të shënonte minutën e 60-të, Tuhel hoqi nga fusha Aubamejang dhe aktivizoi sulmuesin e Kombëtares shqiptare. Armando Broja Broja ka bërë debutimin në Champions dhe pavarësisht se Çelsi humbi, data e sotme do të mbahet mend gjatë prej tij.
Broja në fakt nuk mundi të linte asnjë shenjë për aq sa luajti, por nuk është se ishte faji i tij. Çelsi ishte krejtësisht konfuz në fushë, pavarësisht dominimit territorial. Skuadra e Tuhel bëri një lojë me shumë stacione, të lexueshme nga kroatët.
Armando is on for his Champions League debut.
— Chelsea FC (@ChelseaFC) September 6, 2022
🔵 1-0 ⚪️ [59] #UCL pic.twitter.com/yOSAKSfAbw
Ndeshjen e vendosi një gol i shënuar pas 13 minutash nga Orshiç. Dinamo Zagreb më pas vetëm u mbrojt dhe një rast goditi shtyllën me Ristovskin. Shtyllën e goditi edhe Çelsi me Xhejms në fundin e ndeshjes.
Broja nuk pati asnjë rast shënimi në zonën e ngjeshur të kundërshtarit. Në fund kanë festuar kroatët që e nisin fazën në grupe me fitore. Për trajnerin Tuhel duket se po komplikohen gjërat gjithmonë e më shumë.
Në fushë ishte edhe një shqiptar tjetër, Arjan Ademi, kapiteni i Dinamos së Zagrebit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
