Kriptomonedha me vlerë të fiksuar, Tether po lançon një të re të lidhur me paundin britanik, ndërsa Mbretëria e Bashkuar përpiqet të përqafojë monedhat digjitale dhe rregullatorët globalë po lodhen më shumë nga monedhat e qëndrueshme.
Tether njoftoi për monedhën e saj të re të quajtur GBPT, që do të nisë në fillim të korrikut dhe do të ndërtohet në blockchain-in e Ethereum. Vlera e tij do të lidhet në raportin 1:1 me 1 paund.
Ndërkohë kriptomonedhat e qëndrueshme, stablecoins, janë në fokus të kritikave që nga rrëzimi i Terra dhe Luna, duke shkaktuar dhe më pas rënien e Bitcoin.
Ndryshe nga Terra USD, GBPT nuk do të jetë një monedhë algoritmike, si Terra dhe Luna të cilat përdornin aktive të tjera për t’u stabilizuar për të ruajtur lidhjen e saj me monedhën tradicionale me të cilën është lidhur.
Kriptomonedha Bitcoin, më e njohura aktualisht po tregtohet rreth 20.000 dollarë.
Në prill, qeveria e Mbretërisë së Bashkuar dhe ministria e Financave atje, thanë se do ta bënte vendin një qendër globale të kriptove dhe do të përdorte monedha të qëndrueshme në rregullatoren e saj.
“Ne besojmë se Mbretëria e Bashkuar është kufiri tjetër për inovacionin e blockchain dhe zbatimin më të gjerë të kriptomonedhës për tregjet financiare. Shpresojmë të ndihmojmë në udhëheqjen e kësaj risi duke u ofruar përdoruesve të kriptomonedhave në mbarë botën akses në një stabilcoin të prerë në GBP të lëshuar nga emetuesi më i madh i monedhave të qëndrueshme, “tha Paolo Ardoino, CTO i Tether.
“Tether është gati të punojë me rregullatorët e Mbretërisë së Bashkuar për ta bërë këtë qëllim realitet dhe pret me padurim miratimin e vazhdueshëm të monedhave të qëndrueshme Tether”./The guardian
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
