Shenjat e qarta se shqetësimet e Brexit kanë filluar të bëhen të thekshme, duket tek sjellja e bizneseve. Ata kanë ngrirë shpenzimet dhe nuk kanë hapur vende të reja pune. Shfaqje kjo e mosbesimit ndaj një marrëveshjeje të mundshme të largimit të Britanisë së Madhe nga BE.
Dy kompani të mëdha në Mbretërinë e Bashkuar thanë se pasiguria ekonomike po i nxit bizneset ti ruajnë paratë në vend që të bëjnë investime për të mbështetur rritjen dhe vendet e punës. Micro Focus, kompania e shërbimeve të IT FTSE 100, tha që të ardhurat do të ishin më të ulëta nga sa priteshin këtë vit sepse përballë një situate të pasigurt askush nuk po shpenzon më. Kompania tha se biznesi ishte përkeqësuar që nga fillimi i korrikut.
Në një rifreskim tregtar, firma me qendër në Berkshire tha: “Ekzekutimi i dobët i shitjeve është shtuar nga një mjedis makro i përkeqësuar, duke rezultuar në më shumë konservatorizëm dhe cikle më të gjata të vendimmarrjes brenda bazës sonë të klientëve”. Aksionet ranë me gati një të tretën.
Ndërmarrja më e madhe e rekrutimit në Britani, Hays, gjithashtu tha që tregtia në Mbretërinë e Bashkuar ishte ngadalësuar gjatë javëve të fundit pasi pasiguria e Brexit dëmtoi besimin midis klientëve të saj të biznesit.
Shefi ekzekutiv i saj, Alistair Cox, tha: “Në Mbretërinë e Bashkuar do të thoja që të gjithë ndjenjat e ndjesitë janë të lidhura në një farë mënyre me procesin e Brexit dhe kohën që po merr deri në përfundim. Është shkaku kryesor për shqetësimin e madh që ka kapluar”.
Investimet e biznesit në fabrika, makineri dhe teknologji kanë rënë në Mbretërinë e Bashkuar pasi, pasi perspektiva e një dalje kaotike nga BE është gjithnjë e më e madhe.
Konfederata e Industrisë Britanike ka parashikuar që kërcënimi i mosmarrëveshjes do të shkaktojë rënie më të madhe të investimeve të biznesit që nga kriza financiare, dhe mosarritja e realizimit të kompanive që do të kontribuojnë në tkurrjen e parë në prodhimin ekonomik për gati shtatë vjet në tremujorin e dytë të 2019. .
Të dy kompanitë deklaruan paralajmërimet e tyre pasi shifrat nga Komisioni Europian treguan një rënie të mprehtë të besimit ekonomik britanik në nivelin më të ulët që nga fillimi i vitit 2012. Treguesi i ndjenjës ekonomike në Mbretërinë e Bashkuar për muajin gusht ra në 92.5 nga 94.3 pasi besimi i shitjes me pakicë u ul në një nivel të atillë që që nuk shihej që nga recesioni i vitit 2009 dhe ndjenja në sektorin mbizotërues të shërbimeve të Britanisë gjithashtu ra papritur.
Suren Thiru, kreu i ekonomisë në Dhomat e Tregtisë Britanike, tha se raportet për thellimin e errësirës ekonomike nuk ishin befasuese. “Ne po e dëgjojmë këtë nga bizneset në të gjithë Mbretërinë e Bashkuar” tha ai. “Ata po ndërmarrin një hap prapa dhe do të tërheqin vendimet për investime dhe rekrutime sepse nuk ka një rrugë përpara për Brexit dhe kushtet ekonomike po dobësohen”.
Ekonomistët gjithnjë e më shumë mendojnë se Mbretëria e Bashkuar mund të shkojë drejt një recesioni, pasi prodhimi është tkurrur. Shifrat e komisionit europian sugjerojnë se ekonomia mund të mos jetë zvogëluar në tremujorin aktual.
Thiru tha se bizneset ishin të irrituar që Brexit ishte zvarritur për më shumë se tre vjet, por se largimi nga BE pa marrëveshje do t’i përkeqësonte gjërat. “Do të ketë pyetje në lidhje me marrëdhëniet tregtare të Mbretërisë së Bashkuar me BE, të cilat do të duhet të përgjigjen” tha ai.
Me tkurrjen e prodhimit dhe ndërtimeve dhe kompanitë që nuk dëshirojnë të investojnë, ekonomia është mbajtur përgjatë shpenzimeve të konsumatorit të mbështetur nga rritja e pagave dhe niveleve të larta të punësimit.
Pritjet e konsumatorëve për inflacionin arritën në nivelin më të lartë që nga viti 1990 pas rënies së mprehtë të paundit që nga kërcënimi i daljes pa marrëveshje nga BE.
Gabriella Dickens, një ekonomiste në Capital Economy, tha se rritja e pagave do të thoshte se konsumatorët duhet të jenë në gjendje të mbajnë shpenzimet, por se kishte shenja që familjet së shpejti mund të kapeshin nga një ndjenjë mosbesimi dhe të ulnin shpenzimet.
“Ka disa shenja që familjet po bëhen më të ndjeshme ndaj kaosit të Brexit” tha ajo. “Ajo që ndodh me Brexit në muajt e ardhshëm do të përcaktojë se si do të shpenzojnë familjet”.
Sondazhi i besimit të konsumatorit tregoi një rënie në ndjenjën e përgjithshme pasi familjet u bënë më të zymta për situatën e tyre, ekonominë e përgjithshme dhe gatishmërinë për të bërë blerje të mëdha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
