Çfarëdo që të ndodhë, ky sezon do të jetë një sukses për Brestin. Klubi i vogël francez është ulur në tavolinën e madhe të Ligës së Kampionëve dhe falë një kalendari të favorshëm, e gjen veten me pikë të plota pas dy javësh, në të njëjtin nivel me Borussia Dortmund dhe Bayer Leverkusen.
Fitorja 3-1 ndaj Sturm Graz në ditën e parë, një sukses 0-4 i bujshëm në Salzburg në javën e dytë dhe tani Brest ëndërron një vend në Playoff, ndërkohë që arkat e klubit po mbushen plot.
Dy fitoret sollën 4.2 milionë euro (2.1 milionë për fitore) që është e barabartë me pothuajse 10% të buxhetit vjetor të vendosur nga klubi, një nga më të voglat në Ligue 1 dhe pothuajse 18% të kufirit të pagave aktualisht prej 23.5 milionë bruto.
Nëse kësaj shume i shtojmë edhe 18.62 milionë që u takon klubeve të kualifikuara në fazën e Ligës dhe të ardhurat nga ndeshja në shtëpi kundër Sturm Grazit, Brest ka mbuluar që tani të gjithë faturën e pagave të klubit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
