Pesë ditë pas nisjes së operacionit “Bregdeti Ynë”, Inspektorati Kombëtar i Mbrojtjes së Territorit, thotë se ka shembur deri tani 28 objekte pa leje.
Sipas një bilanci paraprak, bëhet me dije se 10 struktura janë shembur në Velipojë dhe 18 në Ksamil. Ndërkohë që ka nisur edhe pastrimi i inerteve në zonat ku janë shembur ndërtimet.
IKMT shpjegon se pas Velipojës dhe Ksamilit, operacioni do të shtrihet në zona të tjera bregdetare, ku ka me dhjetëra objekte pa leje. Gjatë punës së IKMT-së, në të dy zonat nuk ka pasur incidente me banorët.
Operacioni “Bregdeti Ynë”, synon pastrimin e bregdetit e territorit dhe daljen para drejtësisë të të gjithë individëve apo subjekteve që kanë shkelur ligjin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
