Gazeta Si – Në intervistën e parë si kampion bote, Leo u shpreh: “Nga ajo ditë ka ndryshuar gjithçka”. Edhe e ardhmja e tij, sepse kuaotat duket se kanë ndryshuar.
Dita që përmend Mesi është ajo kur ai ngriti lart kupën e botës si kapiten i Argjentinës. “Ajo që e dëshiroja aq shumë erdhi, thuajse në fund”, – tha Mesi për mikrofonët e Andy Kusnetzoff të Urbana Play. Po tani, mund të ndryshojë edhe fundi i karrierës?
Disa bastvënës kanë publikuar kuotat për skuadrën e ardhshme të argjentinasit. Për ta zgjidhja më reale është, për momentin, qëndrimi te PSG, që kuotohet me koeficientin 1.45. Por nuk mungojnë pistat e tjera: nga një zbarkim në Arabinë Saudite për ‘vallëzimin e fundit’ kundër Kristiano Ronaldos, deri te rikthimi në Argjentinë apo te Barcelona.
Pastaj vjen pista amerikane. Dhe është pikërisht vendimi i Kristiano Ronaldos që në një farë mënyre ka hapur rrugën për çdo mundësi, edhe ato më pak të kuotuarat. Pas fitimit të Botërorit, pjesa e dytë e sezonit mund të jetë vendimtare për Mesin.
PSG ëndërron të fitojë Ligën e Kampionëve dhe finalja ndaj Francës mund të mos jetë akti i madh i fundit në karrierën e Leos. E ardhmja e tij mbetet e padeshifrueshme, por pak më pak për operatorët e basteve…
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
