Gazeta Si – Real Madrid fiton 4-1 në gjysmëfinale ndaj egjiptianëve të Al Ahly dhe të shtunën sfidon sauditët e Al Hilal në finalen e Botërorit të klubeve. Shënuan Vinicius në fund të pjesës së parë, Valverde në fillim të së dytës dhe Rodrigo e Arribas në shtesë. Modriç humbi një penallti.
🚨 TIFO SIGHTING 🚨
— FIFA World Cup (@FIFAWorldCup) February 8, 2023
An absolute spectacle to witness at the Prince Moulay Abdellah Stadium 😍#ClubWC
Vinicius, Valverde dhe Rodrigo: tredhëmbëshi i amerikanojugorëve të Realit rrëmbeu skenën në Rabat, në Marok, ku spanjollët siguruan biletën e finales së Botërorit për klube. ‘Los Blancos’ mposhtën 4-1 Al Ahly, që në gjysmëfinale kishte eliminuar Seattle Sounders. Al Hilal, skuadra tjetër finaliste, në gjysmëfinale eliminoi brazilianët e Flamengos.
Reali shkoi në Rabat me ‘shtyllën kurrizore’ të përgjysmuar, pas dëmtimeve të Benzema dhe Kurtua. Në portë luajti Lunin dhe në sulm Rodrigo si 9 false. Në fillim spanjollët bënë disa gabime, ndërsa Al Ahly luajti hapur, duke iu afruar golit. Më pas doli në pah eksperienca e madrilenëve, që në gabimin e parë të kundërshtarit kaluan në avantazh me Vinicius.
Goli i dytë erdhi pas pushimit nga Valverde. Në minutën e 65-të ndeshja u rihap, pasi Kamavinga shkaktoi një penallti ndaj El Shahat dhe Ali Maloul shkurtoi diferencën. Tri minuta para fundit Modriç shpërdoroi një penallti të fituar nga Vinicius. Në shtesë Reali shënoi edhe 2 gola me Rodrigon dhe Arribas, ky i fundit vetëm pas sekonda pas futjes në fushë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
