Gazeta Si – Përpara është Katar 2022, por FIFA ka zyrtarizuar edhe 16 stadiumet e Botërorit që vjen më pas. Botërori 2026 zhvillohet në tre shtete, SHBA, Meksikë dhe Kanada.
Në listën zyrtare të FIFA-s janë përcaktuar Toronto dhe Vankuver në Kanada. Meksiko Siti, Guadalajara dhe Monterrei janë tre qytetet e Meksikës, kurse 11 të tjerët janë në SHBA.
Botërori 2026 do të zhvillojë ndeshje në këto qytete amerikane: Atlanta, Boston, Dallas, Hjuston, Kansas Siti, Los Anxheles, Majemi, Nju Jork, Fladelfia, San Fransisko dhe Siatëll.
Faza finale e Kupës së Botës 2026 është parashikuar të zhvillohet në periudhën 25 maj-5 korrik.
Për herë të parë do të kemi një Botëror më masiv, pasi do të kalohet nga 32 skuadra pjesëmarrëse në 48. Një zgjerim jo i vogël, që shton mundësitë edhe për skuadrat më të vogla të kualifikohen.
Botërori 2026 po ashtu është i pari që zhvillohet në tre shtete.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
