.png)
Nga Gazeta ‘SI’- Borxhi i jashtëm i Shqipërisë u zgjerua me 1.4% në fund të 2024-s dhe raportohet në 10.142 mln euro.
Rritja në vlerë e borxhit të jashtëm përkthehet dhe në rritje në raport me PBB-në. Në fund të dhjetorit 2024, borxhi i jashtëm ishte në nivelin 41.5% të Prodhimit të Brendshëm Bruto, nga 40.9% që ishte në fund të tremujorit të tretë.
71% e borxhit është në euro dhe 10% në dollarë amerikanë. Gati 88% e borxhit total është borxh afatgjatë, ndërsa 12% është borxh afatshkurtër. Konkretisht borxhi i jashtëm afatgjatë llogaritet në 8.9 miliardë lekë dhe ai afatshkurtër në gati 1.1 miliardë lekë, me rënie në krahasim me tremujorin e tretë.
Për sa i përket borxhit të jashtëm afatgjatë sipas instrumenteve, huatë vijojnë të kryesojnë në masën 48% të totalit. Nga ana tjetër, instrumentet financiare në formën e monedha dhe depozita, si dhe kreditë tregtare dhe paradhëniet zënë përkatësisht 30% dhe 49% të tepricës së borxhit afatshkurtër.
Sipas Bankës së Shqipërisë, pothuajse gjysma e borxhit është e qeverisë, ndjekur nga korporatat, bankat etj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
