.png)
Reshjet e shiut dhe dëborës kanë përfshirë gjatë natës dhe orëve të para të mëngjesit zonat malore në veri dhe juglindje të vendit, kryesisht në lartësitë mbi 800 metra.
Për shkak të reshjeve të borës dhe rënies së ortekëve, Qafë Thora është bllokuar.
Autoriteti Rrugor u bën thirrje drejtuesve të mjeteve që të bëjnë kujdes të shtuar gjatë udhëtimit, të reduktojnë shpejtësinë dhe të jenë të pajisur me goma dimërore ose zinxhirë kur lëvizin drejt zonave ku ka prani të dëborës.
Reshjet e dendura të shiut të rëna gjatë natës kanë shtuar ndjeshëm nivelin e lumit Ishëm në Fushë-Krujë, duke bërë që të dalë nga shtrati.
Lumi ka dalë nga shtrati në fshatin Murqinë, duke bërë që dhjetëra hektarë tokë bujqësore të jenë nën ujë.
Po ashtu, një lagje e këtij fshati është e izoluar pasi rruga është e kalueshme vetëm me mjete të larta.
Ndërsa në zonën e Obotit është evidentuar prezencë uji kryesisht në tokat bujqësore, duke zgjeruar sipërfaqen e përmbytur, pa rrezik për banesat deri në këto momente.
Aksi rrugor lidhës i fshatit me rrugën kryesore paraqet prezencë uji rreth 40–50 cm, duke vështirësuar kalimin për mjetet e vogla.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje