Nga Gazeta “SI” – Bordi i Transparencës vendosi çmimin e ri të naftës, 8 lekë më pak se ai i vendosur 24 orë më parë.
Pas orës 18:00 të së enjtes së 7 korrikut, nafta me pakicë do të shitet 235 lekë/litër dhe ajo me shumicë, 233 lekë/litër.
Sipas vendimit të Bordit, Benzina me pakicë do të shitet me 227 lekë/litër, 2 lekë më pak se një ditë më parë dhe me shumicë, 215 lekë/litër.
Gazi do të vijojë të tregtohet me të njëjtat çmime, 81 lekë/litri me pakicë 69 lekë/litri me shumicë.
Në vendimin e djeshëm (6 korrik), Bordi e uli çmimin e naftës me 9 lekë, nga ai i vendimit paraardhës (1 korrik), nga 252 lekë, në 243.
Ndërkohë, në bursën ndërkombëtare, pas rënies në dy ditët e fundit, nën vlerën e 100 dollarëve, mëngjesin e të enjtes, nafta është rritur lehtë duke kaluar 100 dollarë për fuçi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
