.png)
Gazeta Si - Reshje të dendura shiu në mëngjesin e të shtunës kanë përfshirë edhe zonën e Kurbinit dhe atë të Krujës.
Nga reshjet, është bllokuar nënkalimi në Fushë Mamurras, pjesë e autosdradës Milot-Thumanë.
Automjetet e tonazhit të ulët zgjedhin rrugë alternative. Mbetet sërish problematik nënkalimi në Fushë Mamurras nga bllokimi i pusetave nga vërshimet. Disa automjete janë bllokuar nga prezenca a ujit.
Reshjet e dendura të shiut sollën mjaft probleme në disa akse rrugore në Kukës. Në rrugën Kukës-Shishtavec masive gurësh ranë nga skarpata anësore e rrugës duke e bllokuar për pak orë.
Masivët me gurë dëmtuan edhe trupin e rrugë, ndërsa kompania sipërmarrëse me mjete e makineri po punon për largimin e tyre dhe rivendosjen e qarkullimit të mjeteve.
Fatmirësisht në momentin e shkarjeve massive, nuk pati mjete apo kalimtarë të lënduar.
Problematika më rënien e gurëve dhe inerteeve në rrugë, ka pasur edhe në aksin drejt Peshkopisë dhe Bashkinë e Tropojës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
