.png)
Sekretari i Shtetit Antony Blinken udhëzoi stafin e tij për të minimizuar rrjedhjet e informacionit lidhur me luftën Izrael-Hamas, duke thënë qartë se ishte “i zemëruar” me rrjedhën e vazhdueshme të raporteve të shtypit që zbulonin informacione të ndjeshme.
Këto rrjedhje i bënë negociatat e ndërlikuara edhe më të vështira, tha ai, dhe gërryen besimin brenda Departamentit të Shtetit se dokumentet ose detajet e bisedave me dyer të mbyllura nuk duhet të gjenin rrugën e tyre tek një gazetar.
Në takim, Blinken u kërkoi atyre që raportojnë drejtpërdrejt tek ai të ndihmojnë në bllokimin e rrjedhjeve të informacionit, veçanërisht ato që lidhen me konfliktin në Gaza, sipas tre zyrtarëve të Departamentit të Shtetit. Një nga zyrtarët e shtetit, i cili foli në kushte anonimiteti tha se mesazhi i Blinken që atëherë është përcjellë me rigorozitet në të gjithë departamentin.
Mattheë Miller, zëdhënësi më i lartë i Departamentit të Shtetit, nuk konfirmoi drejtpërdrejt detajet e diskutimit, por tha në një deklaratë: “Sekretari ka qenë i qartë se rrjedhjet rreth diskutimeve të ndjeshme diplomatike nuk avancojnë interesat e Shteteve të Bashkuara”
Paralajmërimi i sekretarit sinjalizon një shqetësim në rritje brenda administratës Biden se një rrjedhë e vazhdueshme informacionesh e komplikon punën e Departamentit të Shtetit, që vjen në një kohë kur disa zyrtarë kanë dhënë dorëheqjen në shenjë proteste ndaj politikës së Izraelit.
Dhe ndërsa asnjë administratë nuk i pëlqen rrjedhjet e paligjshme, Blinken, një ndihmës prej dekadash i Presidentit Joe Biden, ruan ashpër hapësirën e vendimeve të shefit të tij.
Zyrtarët e lartë të shtetit ishin veçanërisht të pakënaqur kur panë disa raporte se ndihmësit e nivelit më të ulët besonin se Izraeli nuk po përdorte armë të ofruara nga SHBA-ja në përputhje me ligjin ndërkombëtar. E mandatuar nga një politikë e re e transferimit të armëve për të raportuar për çështje të tilla, administrata javën e kaluar njoftoi se ishte “e arsyeshme” të supozohej se Izraeli nuk ishte në përputhje me ligjin, por nuk e bëri zyrtarisht atë vlerësim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
