.png)
Nga Gazeta ‘SI’- Më shumë se 610 miliardë lekë shpenzuan shqiptarët në tre muajt e parë të vitit 2025, më anë të kartës bankare.
Shifrat e Bankës së Shqipërisë, që i referohen asaj që quhet “home-banking” dhe përfshin të gjitha pagesat e kryera online, tregojnë se ka një tendencë në rritje sipas tremujorëve.
Për të njëjtën periudhë, janë kryer më shumë se 2.4 mln transaksione online, ku përfshihen blerjet, pagesat utilitare, shërbimet etj.
Ndërkohë, në fund të marsit 2025, BSH raporton pak më shumë se 1.5 mln karta bankare aktive, prej të cilave mbi 1.3 janë debiti dhe pjesa tjetër krediti.
Rreth 70% e popullsisë shqiptare kanë një llogari bankare, sipas BSH-së. Vlerësohet se tashmë 34% e llogarive bankare aktive janë të aksesueshme nga interneti, nga 28.2% që kishte qenë ky tregues në fund të vitit 2022.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
