Gazeta Si – Nuk kanë fund polemikat për organizimin e Kupës së Botës nga Katari, as pak ditë para nisjes së eventit më të rëndësishëm të futbollit. Për këtë çështje ka folur së fundi edhe Sep Blater, i cili ishte president i FIFA-s kur u mor vendimi dhe ai mbështeti kandidaturën e vendit aziatik.
Për gazetën zvicerane ‘Tages Ainzeger’, ai ka theksuar: “Ishte një gabim vendimi për organizimin e Botërorit nga Katari. Është një vend shumë i vogël, kurse futbolli dhe Kupa e Botës janë shumë të mëdhenj.
“Në atë kohë, – vazhdon Blater, – ramë dakord bashkë me Komitetin Ekzekutiv që Rusia të organizonte Botërorin e 2018-ës dhe Shtetet e Bashkuara të Amerikës atë të 2022-shit. Do të ishte një gjest paqeje, nëse dy kundërshtarë politikë do të prisnin Kupën e Botës njëri pas tjetrit.
Një javë para Kongresit të FIFA-s në 2010-ën, Mishel Platini më tha: ’Sep, ça ne va plus jouer’, që do të thotë se plani ynë nuk funksiononte më. Falë votave të Platinisë dhe francezëve, Botërori do të luhet në Katar dhe jo në SHBA”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
