.png)
Gazeta Si – Biznesmeni Ergys Agasi është paraqitur mëngjesin e kësaj të marte në Prokurorinë e Posaçme dhe ka dalë prej andej thuajse pas 3 orësh.
Nuk dihet ende arsyeja e thirrjes së tij në SPAK dhe Agasi pas daljes ka preferuar të mos flasë para mediave.
Në qershor, në kuadër të një hetimi të nisur nga Prokuroria e Posaçme, biznesmenit iu kontrollua banesa si dhe iu sekustrua telefoni celular.
Jozytarisht gjatë kontrollit të banesës së tij, u bë e ditur se veprimi hetimor lidhej me një procedim penal mbi persona të dyshuar si të përfshirë në kontrabandën e cigareve.
Ndaj Agasit ka patur denoncime të vazhdueshme nga opozita që e akuzonte si koordinator mes grupeve kriminale dhe kryeministrit Edi Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
