.png)
Nga Gazeta ‘SI’ – Besimi në ekonomi u rrit gjatë muajit mars, raporton Banka e Shqipërisë, ndikuar pozitivisht nga konsumatorët dhe bizneset, përvec sektorit të tregtisë.
Rritja më e madhe e besimit vërehet tek konsumatorët, me 2.3 pikë përqindje, ndikuar nga një parashikim pozitiv për ekonominë dhe gjendjen e tyre për blerje të mëdha.
Besimi u rrit me 1.6 p.p tek ndërtuesit, nga rritja e vlerësimit për kërkesën dhe punësimin. Ata presin rënie të çmimeve.
Treguesi i besimit të industrisë u rrit me 1.4 pikë përqindje, ndikuar nga një kërkesë në rritje. Pritjet për çmimet në të ardhmen kanë shënuar rritje të lehtë krahasuar me muajin e kaluar.
Treguesi i besimit në shërbime u rrit me 1.2 pikë përqindje nga vlerësimet më pozitive të bizneseve për ecurinë aktuale të aktivitetit të tyre. Po ashtu, pritjet për nivelin e punësimit në të ardhmen janë rritur.
Treguesi i besimit në tregti u ul me 2.1 pikë përqindje në muajin mars pasi këto biznese presin rënie të kërkesës, punësimit dhe çmimeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
