Nga Gazeta ‘SI’ – 99.8% e ndërmarrjeve aktive në vend, e zënë ndërmarrjet e vogla dhe të mesme, raporton INSTAT, në anketën e vitit 2022, pa ndryshime nga një vit më parë.
Këto biznese mbajnë 82.1% të të punësuarëve të tregut të punës, 449.631 të tillë, me një rritje të lehtë nga 2021-shit. Edhe pjesën më të madhe të aktivitetit ekonomik, e kryejnë ndërmarrrjet e vogla dhe të mesme, 80.1% nga 79% një vit më parë, përkthyer kjo dhe në një vlerë më të lartë se bizneset e tjera.
INSTAT tregon se ndonëse punësimi dhe shitjet janë rritur, investimet janë ulur për këto lloje ndërmarrjesh, nga 76.4% në 75.6%.
Të ndara sipas sektorit, këto biznese dominojnë në shërbim dhe akomodim, por vërehet rritje dhe në degën e ndërtimit dhe industrisë.
Nga të dhënat e INSTAT shohim se norma e ndërmarrjeve të vogla dhe të mesme është e njëjtë me vendet e Bashkimit Europian. Nga krahasimi me BE-në del se përqindja e të punësuarve në ndërmarrjet e vogla dhe të mesme në vendin tonë është 82.1%, ndërsa në Europë është 64.4%.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
