.png)
Bitcoin ka prekur nivelin e 66 mijë dollarëve këtë të mërkurë,, me një rënie prej rreth 3% në pak orë.
Ether, ra me 3.5% në 1.9 mijë dollarë.
Rëniet janë ndikuar nga një rritje e papritur e indekseve aziatike, që kaluan homologët amerikanë e europianë.
Dollari nga ana tjetër vazhdoi trendin rënës të disa ditëve.
Pritshmëritë për ulje të normave të interesit në SHBA nuk po i japin shtysë monedhave digjitale, ku tregtimi i ngadaltë reflekton humorin e zymtë që ka mbërthyer sektorin që nga muaji tetor. Ndërkohë që investitorët e mëdhenj të Bitcoin-it kanë filluar të blejnë sërish, dështimi i monedhës për të tërhequr blerës më të gjerë e vendos atë në rrezik për rënie të mëtejshme.
“Shpejtimi i rënies së çmimit drejt 60,000 dollarë pa rritje të volumit të tregtimit tregon kërkesën e ulët dhe mungesën e bindjes së blerësve në nivelet ndërmjetëse,” shkroi analisti i Kaiko-s, Laurens Fraussen, në një shënim. “Kjo krijon një brishtësi ndaj rënieve të mëtejshme edhe nën presion modest shitjeje.”/Bloomberg
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
