Bitcoin ka kaluar vlerën e 97 mijë dollarëve për herë të parë, 21 nëntorin e 2024-s.
Brenda 24 orëve Bitcoin u rrit me 5.7% dhe arriti një vlerë tregu 1.93 trilionë dollarë.
Çmimi i kriptomonedhës më të madhe në botë, për pak çaste kapi 97.628 dollarë dhe po marshon drejt targetit 100.000 dollarë.
Me fitoren e Trump, tregu i Bitcoin ka përfituar më shumë se 900 mld dollarë, pasi ai premtoi krijimin e një klime më miqësore për kriptomonedhën.
“Një vit më parë, Bitcoin po tregtohej në 30 mijë dollarë. Sot ka kaluar 97 mijë, një rritje me 300%. Kjo është frymëzuar nga rizgjedhja e Donald Trump si president i SHBA-ve. Shpresa se do të ketë një rregullim institucional po e nxit ende më shumë kripto”, thotë Edul Patel, drejtues në Mudrex që beson se brenda pak ditëve, do të arrijë edhe 100 mijë.
Që prej fitores së Trump, 2 javë më parë, Bitcoin është rritur me 40%.
Thuhet se ekipi i Trump është në diskutime me lobistë të industrisë për një zhvillim të mëtejshëm të kriptomonedhave./Mint
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
