Është e vështirë të gjesh diçka që ka hutuar analistët financiarë më shumë se ngritja e bitcoin.
Kur monedha dixhitale humbi mbi 80% të vlerës së saj në 2018, shumë njerëz menduan se flluska e kriptomonedhës kishte shpërthyer.
Por në gjysmën e dytë të vitit të kaluar bitcoin dhe kriptovalutat e tjera filluan të ngjiten përsëri. Çmimi i monedhës digjitale të njohur tani ka kaluar 50,000 dollarë, rreth pesë herë më shumë se një vit më parë.
Javën e kaluar, Tesla, prodhues i makinave elektrike, njoftoi në një paraqitje publike se kishte blerë bitcoin me vlerë 1.5 miliard dollarë dhe së shpejti do të fillonte të pranonte kriptomonedhën si pagesë.
Mastercard, një firmë pagese, tha se do të fillojë lehtësimin e pagesave në një numër të kufizuar kriptovalutash këtë vit. Dhe BNY Mellon, banka më e vjetër e Amerikës, tha se do të mbante dhe shkëmbente kriptomonedha në emër të klientëve të saj institucionalë.
Kjo mani kriptash po tërheq vëmendjen e politikanëve dhe të famshëmve.
Kryetari i Bashkisë së Miamit, ka propozuar që qeveria e qytetit të tij të lejohet të paguajë punëtorët e saj në bitcoin. Jack Dorsey, shefi i Twitter dhe Jay Z, një reper, po dhurojnë 500 bitcoin (aktualisht me vlerë rreth 23 milion dollarë), pasi besojnë verbërisht në përdorimin e kriptovalutës në Indi dhe Afrikë.
PayPal, një kompani e pagesave në internet, tani pranon monedha dixhitale.
Arsyeja më e madhe pse kriptovaluta është rritur është rritja e interesit nga investitorët institucionalë.
Ndryshe nga bumi i vitit 2017, i cili u nxit nga tregtarët me pakicë, analistët mendojnë se ngritja aktuale po shkaktohet nga blerjet nga investitorët profesionistë.
Kapitalizimi i kombinuar i tregut i të gjitha kriptovalutave arriti $ 1trn në janar sipas CoinDesk, ndwrsa në 15 shkurt arriti $ 1.5trn për herë të parë.
Fituesi më i madh nga ngjitja e kriptomonedhës është me siguri Satoshi Nakamoto,krijuesi i bitcoin. Ai mendohet se zotëron më shumë se 1 milion bitcoin – aktualisht me vlerë rreth 50 miliardë dollarë.
Burimi: The economist
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
