Bitcoin arriti vlerën e 50 mijë dollarëve, për herë të parë pas 3 vitesh, duke treguar se oreksi i investitorëve po shtohet.
Kriptomonedha kryesore e kësaj industrie është rritur me 15% që nga fillimi i vitit , ndikuar nga shpallja si një Fond i Tregtueshëm, ETF në bursë, nga qeveri amerikane. Edhe pse ditët e pari Bitcoin kaloi në të kuqe, duket se tashmë ajo tendencë ka marrë fund.
Momentalisht, kriptomonedha është sa dyfishi i vlerës që kishte vjet në të njëjtën periudhë.
“Që pas rënies së lehtë post-ETF, ne po shohim një rritje të investimeve dhe kërkesës, e cila është tërësisht organike”, tha James Butterfill, kreu i kërkimeve në CoinShares.
Edhe kompanitë menaxhuese të këtyre fondeve, si gjigandi GrayScale po e mendojnë si një alternativë afatgjatë investimi.
Sipas të dhënave, që pas miratimit si ETF, Bitcoin ka tërhequr 3 mld dollarë investime.
Financierët tradicionale kanë frikë tashmë se investitorët, do të lënë mënjanë obligacionet dhe titujt për BTC.
“Ky nuk është realiteti i Bitcoin. Duke patur parasysh ekosistemin e tij, ne nuk kuptojmë dot kush blen dhe pse blen. Çmimi i tij do të luhatet gjtihmonë bazuar në numrin e besimtarëve që duan të blenë dhe spekulantëve që duan të shesin”, tha Jim Angel, profesor për tregjet finaciare. /FinancialTimes
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
