.png)
Anglia çimentoi vendin e saj në histori pas fitores ndaj Spanjës duke mbrojtur titullin në Evropian në Finalen e “Euro 2025”. Chloe Kelly që shënoi golin e fitores në Finalen e “Euro 2022” në “Wembley” ishte sërish heroina e mbrëmjes zvicerane pasi konvertoi 11 metërshin deçiziv ndaj Spanjës. Më herët Hannah Hampton priti dy nga tre 11 metërshat e sfumuar prej iberikeve. Kjo ishte hera e parë që Anglia fiton një trofe madhor jashtë ishullit ndërsa Sarina Wiegman që fitoi titullin e 3 rradhazi evropian (me dy skuadra të ndryshme), shkruajti emrin e saj në Librin e Artë të futbollit. “Lionesses” u bënë skuadra e parë që fiton një Evropian duke qënë në disavantazh në pjesën e parë. Mariona Caldentey zhbllokoi rezultatin duke kaluar Spanjën në avantazh.
Duke ardhur nga stoli, Kelly (zëvendësoi Lauren James) shërbeu për Alessia Russo-n që barazoi 1-1. Koha e rregullt u mbyll me të njëjtat shifra, që nuk ndryshuan as pas 30 minutave të kohësh shtesë. Nga pika e bardhë, Mead dhe Williamson humbën 11 metërshat për Anglinë ndërsa Mariona, Bonmati dhe Paralluelo (dy të parat u ndalën nga Hampton) humbën 11 metërshat për Spanjën. Përveç konfirmimit si Kampione e Evropës, Anglia mori revanshin ndaj Spanjës për Finalen e humbur të Botërorit të fundit. Lojtarja më e Mirë e turneut u shpall Aitana Bonmati (Spanja), Lojtarja e re më e Mirë u shpall Michelle Agyemang (Angli). Shënuesja më e Mirë u shpall Esther González (Spanjë) me 4 gola. Ndërsa Hannah Hampton (Angli) u shpall Lojtarja e Ndeshjes.
- Fitueset e titullit evropian për femra
8 tituj – Gjermania
2 tituj – Norvegjia, ANGLIA
1 titull – Suedia, Holanda
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
