Letrat me vlerë të qeverisë edhe pse vijojnë rënien e interesave, kanë shënuar këtë fillimviti një kërkesë të lartë për të investuar në to.
Në ankandin e obligacioneve trevjeçare të zhvilluar ditën e hënë, kërkesat e paraqitura për këto lloj obligacionesh arritën vlerën e 10.4 miliardë lekëve,ndaj 4 miliardë lekëve që ishte shuma fillestare për financim.
Numri i kërkuesëve qe 47 ndërsa u pranuan vetëm 7.
Totali i lekëve të kërkuara ishte gati 10, 4 mld, ndërkohë që vlera e pranuar qe 4,6 mld.
Kuponi i obligacioneve rezultoi i ulët, në nivelin 2.3%. krahasuar me ankandin e fundit, të organizuar në prill të vitit të kaluar, i cili qe 3.4%. Trendi i uljes së interesave vihet re në të gjitha afatet e maturimit të titujve të qeverisë.
Bonot 12 mujore janë gati 1.2%, ndërsa obligacionet dy vjeçare kanë zbritur afër nivelit 1.9%.
Obligacionet 5-vjeçare rezultojnë më tërheqëse për nga interesi 4,2%, megjithëse ato kanë shënuar rënie krahasuar me emetimin e tyre me një yield mesatar prej 4.74% në shtator 2018-të, sërish në rënie prej nivelit 4.86% të ankandit pararendës në muajin gusht.
Kreditimi i ekonomisë nuk shfaq një tablo rozë.
Në situatën kur tregu i kredisë për sektorin privat nuk po tërheq më shumë financime, kërkesa e institucioneve financiare për titujt qeveritarë ngelet e lartë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
