.png)
TikTok ka rënë nga sistemi, ku shumë përdorues nga gjithë bota nuk kanë arritur të futen në aplikacion.
Sipas DownDetector, ueb-faqe e specializuar në monitorimin e probleme të tilla,problemet kanë nisur që në orën 09:40 ku përdoruesit në të gjithë botën kanë raportuar për probleme duke mos pasur mundësi të shohin video apo të dërgojnë mesazhe.
Pothuajse mbi 3 mijë ankesa janë regjistruar deri më tani dhe një total prej 53% e përdoruesve kanë pasur probleme të ndryshme.
Tiktok është në pronësi të kompanisë kineze ByteDance dhe prej kohësh është kthyer në një “mollë sherri” midis drejtuesve të kompanisë dhe Amerikës e Europës.
Kompania është akuzuar se mbledh të dhënat e përdoruesve. Diçka e tillë edhe është vërtetuar nga studimet që kanë treguar se TikTok është aplikacioni që mbledh më shumë të dhëna. Diçka e tillë është mohuar nga drejtuesit e kompanisë.
Pavarësisht kësaj, në Amerikë prej disa muajsh është ndaluar përdorimi i aplikacionit në shumë shtete dhe së fundmi është ndaluar të përdoret edhe nga zyrtarët në Shtëpinë e Bardhë.
Edhe Komisioni Europian gjithashtu ua ka ndaluar punonjësve përdorimin e aplikacionit për të ndaluar një rrezik të mundshëm nga mbledhja e të dhënave.
TikTok nuk ka reaguar ende për problemin e ditës së sotshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
