.png)
Nga Gazeta Si – Si Athletic Bilbao ashtu edhe Atletico Madrid do të kërkojnë të rikthehen pas humbjeve sot në mbrëmje.
Athletic pësoi një humbje 3-0 në shtëpi ndaj Real Madrid të mërkurën, ndërsa Atletico pa t’i ndërpritej seria e fitoreve nga Barcelona, kur u mund 3-1 nga kampionët në fuqi të La Liga-s.
Nuk mund të mohohet fakti se ka qenë një sezon zhgënjyes për Athletic, e cila renditet në vendin e 8 në La Liga, me 20 pikë në 15 ndeshje.
Luanët janë 11 pikë prapa Atletico-s së vendit të 4 dhe kanë hasur probleme edhe në Champions League, duke u pozicionuar në vendin e 27-të në renditjen e përgjithshme.
Ata kanë vetëm 4 pikë nga 5 ndeshje, ndërsa dëmtimet kanë qënë të pranishëm gjatë muajve të parë të sezonit.
Athletic ka marrë 13 pikë nga 8 ndeshjet e saj në shtëpi dhe pret Atletico-n që ka vetëm dy fitore në transferta, duke shënuar 8 gola në 7 ndeshje larg “Wanda Metropolitano-s”.
Baskët janë përballur me Atletico-n 210 herë më parë, duke regjistruar 79 fitore, 96 humbje dhe 35 barazime – 3 përballjet e fundit mes tyre janë fituar nga Atletico.
Madrilenët kanë humbur për herë të fundit ndaj Athletic në La Liga, Dhjetorin e vitit 2023. Atletico është 5 pikë pas Real Madrid në vendin e dytë dhe 1 pikë pas Villarreal-it në të 3, kështu që gara në krye të tabelës mbetet shumë e ngushtë ndërsa afrohen pushimet dimërore.
Skuadra e Simeones do të synojë të mbyllë vitin 2025 me fitore në kampionat ndaj Athletic, Valencia dhe Girona-s, ndërsa gjithashtu i pret një sfidë në Champions League kundër PSV Eindhoven, në transfertë më 9 Dhjetor.
Atletico ka qenë sërish e fortë në shtëpi këtë sezon, por ka pasur mungesë frymëzimi në transfertë, ndaj përballja e së shtunës në “San Mames” pritet të jetë një duel interesant mes dy skuadrave që nuk po kalojnë një moment të mirë.
Athletic: Simon; Lekue, Vivian, Laporte, Boiro; Ruiz de Galarreta, Jauregizar; Berenguer, Sancet, N Williams; Guruzeta
Trainer: Ernesto Valverde
Atletico Madrid: Oblak; Molina, Gimenez, Lenglet, Hancko; Simeone, Koke, Barrios, Gallagher; Sorloth, Alvarez
Trainer: Diego Simeone
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
