Gazeta Si – Jo vetëm Shqipëria, edhe Kosova ka gjasa të ndërrojë trajner pas këtij edicioni të Ligës së Kombeve. Shtypi kosovar bën me dije se francezi Alen Zhires nuk ka bindur dhe se vendin e tij pritet të zërë Besnik Hasi.
Ish-mesfushori i Kombëtares shqiptare shihet si njeriu i duhur për të marrë drejtimin e ‘Dardanëve’. Hasi ka një përvojë të konsiderueshme në trajning në arenën ndërkombëtare. Ai ka drejtuar Anderlehtin në Belgjikë, Legian e Varshavës në Poloni dhe Olimpiakosin në Greqi. Po ashtu, ka drejtuar edhe në Arabi.
Tashmë duket se ka ardhur momenti që 50-vjeçari gjakovar të marrë drejtimin e Kosovës. Emri i Hasit më parë ka dalë edhe si kandidat për stolin e Shqipërisë, por në asnjë rast nuk ka ndodhur kjo gjë.
Kosova nuk ka bërë paraqitje të mira kohët e fundit, duke zhgënjyer në lojë dhe rezultate. Pas Shalande dhe Zhires, pritet që stolin e saj ta marrë një trajner shqiptar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
