.png)
Nga Gazeta ‘SI’ – Pas një muaji agjërimi e sakrificash, besimtarët myslimanë festojnë sot Fitër Bajramin. Komuniteti Mysliman i Shqipërisë dhe besimtarët të shumtë u mblodhën në Sheshin “Skënderbej” për faljen e Namazit
Ceremonia nisi në orën 06:45 me leximin e Kuranit dhe ligjëratën, e më pas vijoi me faljen e madhe në shesh.
Kreu i Komunitetit Mysliman, në fjalën e tij uroi të gjithë besimtarët anembanë dhe gjithashtu që “Zoti t’u ketë pranuar agjërimin dhe t’i ndihmojë në përballimin e sfidave të jetës”.
Edhe Presidenti Bajram Begaj dhe kryeministri Edi Rama kanë uruar besimtarët myslimanë.
Festimet zyrtare vijojnë me pritjet tradicionale që organizohen në selinë e KMSH-së nga ora 09:00 deri në orën 12:00.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
