Besimtarët myslimanë kryen faljen e Namazit të Fitër Bajramit në Sheshin Skënderbej, që përmbyll Muajin e Madhërishëm të Ramazanit, muaji i sakrificës, solidarizimit dhe paqes.
Pas 30 ditëve agjërim besimtarët kanë përmbyllur këtë muaj të begatë me urimin për më shumë paqe, mirësi, begati dhe mëshirë nga Zoti.
Në Tiranë, kremtimet nisën me leximin e Kuranit nga imami i xhamisë së Ethem Beut.
Për besimtarët myslimanë, festa e Fitër Bajramit është lehtësimi i shpirtit, kënaqësia e brendshme që buron prej shpresës së përmbushjes së adhurimit dhe përfitimit të faljes prej Zotit, Mëshiruesit Fuqiplotë.
Në mesazhin pararendës të festës, kreu i Komunitetit Mysliman të Shqipërisë, Bujar Spahiu, teksa ka uruar të gjithë besimtarët myslimanë shqiptarë shprehet se sakrifica dhe devotshmëria e muajit të Ramazanit duhet të jetë shembull i angazhimit për adhurimin e Zotit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
