.png)
Nga Gazeta ‘SI’ – Mijëra besimtarë të krishterë në mbarë vendin kremtojnë festën e Pashkës, ringjalljen e Jezu Krishtit.
Meshat u mbajtën mbrëmjen e djeshme në të gjitha kishat ortodokse dhe ato katolike të vendit. Në kryeqytet, meshat u mbajtën në Katedralen Katolike të “Shën Palit” dhe në Katedralen Ortodokse “Ngjallja e Krishtit” në Tiranë.
Në lutjen e tij përpara besimtarëve, Imzot Arjan Dodaj përcolli mesazhet e paqes.
Kremtimi u zhvillua me një meshë të drejtuar nga Kryepeshkopu u ri Imzot Joani, në Katedralen Ortodokse “Ngjallja e Krishtit”. Në mesazhin e tij, Krypeshkopi Joan tha se dashuria është më e fortë se urrejtja dhe se shpresa jonë në Krisht është më e fortë se dëshpërimi.
Besimtarët ortodoksë, sipas traditës, morën dritën e qirinjve pas përfundimit të meshës për ta çuar atë në shtëpitë e tyre.
Festimet do të vijojnë edhe sot. Kjo është festa me e rëndësishme e kalendarit të besimtarëve katolikë e ortodoksë që këtë vit e kremtojnë në një ditë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
