.png)
Nga Gazeta Si- Sot është dita e fundit e agjërimit për besimtarët myslimanë ndërsa ditën e nesërme do të kremtohet muaji i shenjtë i Ramazanit me festën e Fitër Bajramit.
Besimtarët do të mblidhen për faljen e madhe nesër në orën 06:30 në sheshin ‘Skënderbej’ teksa ceremonia do të nisë me leximin e Kuranit dhe ligjëratën.
Një urim për të gjithë besimtarët ka ardhur nga kryetari i Komunitetit Mysliman të Shqipërisë Bujar Spahiu, ku tha se përmes agjërimit, lutjeve dhe veprave të mira, besimtarët forcuan besimin dhe ndenjën e solidaritetit me njëri-tjetrin.
“Fitër Bajrami është festa që na kujton vlerat më të mëdha njerëzore, mëshirën, dashurinë dhe faljen dhe ndihmën ndaj atyre që kanë nevojë. Le të jetë kjo ditë një moment gëzimi dhe bashkimi për çdo familje shqiptare. Zoti e pranoftë agjërimin dhe lutjen tuaj, ju dhëntë paqe dhe begati në familjen tuaj”, tha kreu i KMSH Bujar Spahiu.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje